Sometime Happen Like This...

ခင်ဗျား မှတ်ပုံတင်က တရားမ၀င်ဘူး။ အဲဒီတော့ ခင်ဗျားကို ပေးသွားလို့ မရဘူး။ ခင်ဗျား သွားချင်ရင်တော့ ဒဏ်ကြေး ၅၀၀ ဆောင်ခဲ့ပါ။ မဟုတ်ရင်တော့ ခင်ဗျား နေခဲ့လိုက်တော့။

ဖြစ်တဲ့ အချိန်က ညနေစောင်း ၃ နာရီလောက်။ ဖြစ်တဲ့နေရာက သံတွဲမြို့ရဲ့ အထွက် လုံခြုံရေး စခန်း တစ်ခုမှာ။ သံတွဲကနေ အလုပ်ကိစ္စ ဆောင်ရွက်ပြီးလို့ ပြန်လာတဲ့ သူတို့ ခရီးသည်တင်ကားကို ၀ါးလုံးဂိတ်လို့ အလွယ်ခေါ်ကြတဲ့ နေရာ တစ်ခုမှာ မှတ်ပုံတင် စစ်ရင်းနဲ့ ဖြစ်တာ။ သမားရိုးကျလို ဖြစ်နေတဲ့ ခရီးသွား ကားစီး ပရိသတ်တွေကတော့ အစောကတည်းက မှတ်ပုံတင်လေးကိုင်၊ ပိုက်ဆံ ၅၀၀ တန် တစ်ရွက်ကို လက်ကြားမှာ ညှပ်လို့။ သူတန်းစီတဲ့ အထဲ တော်တော်လေး နောက်ကျပါတယ်။ ကားပေါ်ပါလာတဲ့ ခရီးသည်နဲ့ သူကိုင်လာတဲ့ မှတ်ပုံတင်နဲ့ တိုက်စစ်၊ အမည် မှန်တယ် မှတ်ပုံတင်နံပတ် မှန်တယ်ဆိုရင် သွားပေါ့။ နည်းနည်းလေး စကားသံထွက်လာရင် ဆရာ ရော့ဆိုပြီး ၅၀၀ တန်လေး ထိုးပေးလိုက်။ ကိစ္စ၊ ၀ိစ္စ အကုန်ငြိမ်း။

သူ့အလှည့်ကျတော့ မှတ်ပုံတင်ကို ကြည့်တယ်။ သူ့ရဲ့ မှတ်ပုံတင်က အုပ်ထားတဲ့ ပလပ်စတစ် လေကမလုံလေတော့ စာလုံးတွေက တဖြည်းဖြည်း မှုံဝါးလို့ တော်တော်လေး သေသေချာချာ ဖတ်မှ မြင်ရတဲ့ အနေအထား။ မှတ်ပုံတင် ရုံးမှာ သွားလဲရင် အနည်းလေး ၃ ၄ လလောက် ကြာမယ်ဆိုတဲ့ အခါ ခရီးသွားဖို့ လိုနေတဲ့ သူ့အတွက် လဲဖို့က အချိန်မရှိ။ အလာခရီးစဉ် တောက်လျှောက် စစ်လိုက်တဲ့ မှတ်ပုံတင်၊ ဘာပြဿနာမှသာ မရှိတယ်။ ခဏခဏကို ကားကရပ်လိုက်။ အောက်ဆင်း လမ်းလျှောက်လိုက်။ ကားပေါ်ပြန်တက်လိုက်နဲ့။ အခု အပြန်ကျတော့ စကားက ပြောရပြီ။ ပြောတဲ့ သူက (အရာရှိလို့တော့ ယူဆပါတယ်) စွပ်ကျယ်နဲ့ ပုဆိုးတိုတိုဝတ်လို့။ တာဝန်ချိန် တာဝန် ထမ်းဆောင်နေသူ တစ်ဦးက တာဝန်အရ ပြောတဲ့စကားကို လိုက်နာချင်တဲ့ သူတောင် ၀တ်ဆင်ထားတဲ့ ယူနီဖောင်းကြောင့် လိုက်နာချင်စိတ် ကုန်သွားတယ်။

အိုကေ၊ ဒါဆို ကျွန်တော် ဒဏ်ကြေးဆောင်မယ်။ ခင်ဗျား အဲဒီမှတ်ပုံတင် တရားမ၀င်ပါကြောင်း စာရွက်တစ်ရွက်နဲ့ ရေး၊ ပြီးရင် ခင်ဗျားရဲ့ လ၀က နံပတ်ကိုရေး လက်မှတ်ထိုး။ ဒဏ်ကြေး ၅၀၀ မဟုတ်ဘူး။ တစ်ထောင်ဆိုလည်း ဆောင်မယ်ဗျာ။ အဲဒီလက်မှတ်ထိုးထားတဲ့ စာရွက်လေးတော့ ကျွန်တော့ကို ချီးမြှင့်။

ဆိုတော့ ခုနက မှတ်ပုံတင် တရားမ၀င်ပါဘူးဆိုတဲ့ တစ်ယောက်က (ခေတ်စကားနဲ့ ပြောမယ်ဆိုရင်) ဘုရှိုးပြန်ရှိုးတယ်။ လူဝင်မှု ကြီးကြပ်ရေးက တရားဝင်ထုတ်ပေးထားတဲ့ မှတ်ပုံတင်ကို သူ့အနေနဲ့ တရားမ၀င်ပါဘူးလို့ လက်မှတ်က မထိုးရဲ။ ဒဏ်ကြေး ၅၀၀ ကို လိုချင်တာသာ ပဓာန။ တစ်ယောက်ကို ၅၀၀၊ ကားတစ်စီးကို အနည်းလေး လူ ၄၀ ပါတဲ့အထဲ အယောက် ၂၀လောက်ကတော့ တစ်ကြောင်းမဟုတ် တစ်ကြောင်း ကျပ် ၅၀၀ ကိုတော့ စကားမပြောချင်တာနဲ့ပဲ ပေးလှုနေကျ။ ကားတစ်စီးကို ငွေ ၁၀၀၀၀၊ တစ်နေ့ကို အဲဒီ ခရီးလမ်းက ကားစီးရေ ၅၀ ဆိုတာ အနည်းဆုံး ဖြတ်သန်း သွားလာနေကျ ဆိုတော့ ကားစီးရေ ၅၀ အတွက် ငွေကျပ် ၅ သိန်း။ ရုံးကို ဒဏ်ကြေးအနေနဲ့ ဘယ်လောက် ပြန်ရောက် မရောက်တော့ မသိ။ သေချာတာတော့ အကုန်ပြန်မရောက်တာက မြေကြီး လက်ခတ်မလွဲ။

သူ တစ်ယောက်တည်းကြောင့် ကားကထွက်မရ ဖြစ်နေတဲ့ ခါကျတော့ စပယ်ယာ လုပ်တဲ့သူက လာတောင်းပန်တယ်။

အစ်ကိုရယ် ပိုက်ဆံ ၅၀၀ လောက်နဲ့တော့ စကားပြောမနေပါနဲ့တော့။ ဟိုမှာ ကျန်တဲ့သူတွေလည်း ကားပေါ်ရောက်နေကြပြီ။ ပေးလိုက်ပါ အစ်ကိုရယ်။ အစ်ကို မပေးလို့ရှိရင် နောက်အခေါက်တွေမှာ ကျွန်တော်တို့ ကားဒီနေရာကို ဖြတ်ရင် ပြဿနာတက်မှာ အစ်ကိုရဲ့။

သူ့မှာ ဘာမှ ပြောစရာ မကျန်တော့။ ကားပေါ်က တစ်ခရီးတည်းသွား ခရီးသည်တွေကို တလှည့် စပယ်ယာကို တစ်လှည့် ကြည့်ရင်း နောက်ဆုံးမတော့ အိပ်ထောင်ထဲက ငွေကျပ် ၅၀၀ ကို သဒ္ဓါတရား တစ်စက်မှ မပါဘဲ ပေးကမ်းလှုဒါန်းရင်း ခရီးစဉ် ကို ဆက်လက် ထွက်ခွာခဲ့ရပါတော့တယ်။

ကားပေါ်ရောက်တော့မှ အတူခရီးသွား တွေရဲ့ ပြောစကားအရ သိရတယ်။ မှတ်ပုံတင်က အဓိက မဟုတ်ပါဘူး အစ်ကိုရာ။ ၅၀၀ က အဓိကပါ တဲ့။

သူ့ရဲ့ စိတ်ထဲမှာတော့ …. အော်… ဒါမျိုးတွေလည်း ဖြစ်တတ်ပါတယ်… လို့ပဲ တွေးရင်း……

Some Useful Freewares

AUTOCAD နဲ့ အလုပ်လုပ်နေကြတဲ့ ကျွန်တော်ရဲ့ သူငယ်ချင်းများ အတွက် အသုံးဝင်တဲ့Software လေးတစ်ခုပါ။ စင်္ကာပူနိုင်ငံမှာ AUTOCAD နဲ့ အလုပ်လုပ်ကြတဲ့ AUTOCAD သမားတွေ ကြုံရတတ်တဲ့ ကိစ္စလေးပါ။ စင်္ကာပူကုမ္ပဏီ တော်တော်များများဟာ Pirated Version တွေ သုံးခွင့် မပြုကြပါဘူး။ အဲဒီအချိန်မှာ အင်တာနက်ပေါ်ကနေ အလကားရတဲ့ DWG Viewer နဲ့ Editor တွေကို ယူယူ သုံးကြရပါတယ်။ အများစု အသုံးပြုကြတာ ကတော့ အခု ပြောမဲ့ ProgeCad ဆိုတဲ့ Software လေးပါပဲ။ AUTOCAD ရဲ့ Command တွေနဲ့ တော်တော်များများကို ဆင်တူပြီး ထပ်တူနီးပါး အသုံးပြုနိုင်တဲ့Software လေးပါပဲ။ ဒီမှာ Downloadလုပ်လို့ရပါတယ်။

အခုနောက်ပိုင်းမှာ တော်တော်များများသော Document တွေကို Portable Document Format ဆိုတဲ့ PDF နဲ့ ပြောင်းလဲ သုံးလာကြတာ တွေ့ရပါတယ်။ ဖိုင်အရွယ်အစားအနေနဲ့လည်း သေးတယ်။ အီးမေးလ်နဲ့ ပို့လို့လည်း လွယ်တဲ့ အတွက် တော်တော်များများသော အင်တာနက် အသုံးပြုသူတွေ သုံးစွဲနေကြပါပြီ။ PDF နဲ့ ဖိုင်တွေကို ဖတ်ရလွယ်သလောက် Document တွေကို PDF ပြန်ပြောင်းဖို့ အတွက်ကျတော့ တော်တော်များများသော PDF Converter တွေက Trial Version အနေနဲ့ စာမျက်နှာ အချို့ကိုပဲ ပြောင်းပေးပြီး ဖိုင်တစ်ခုလုံး ပြောင်းချင်ရင် Full Version ၀ယ်ခိုင်းတတ်ပါတယ်။ အဲဒီ အခက်အခဲတွေကို ဟောဒီ CutePDF Software လေးက ဖြေရှင်းပေးနိုင်တာ တွေ့ရပါတယ်။ CutePDF က သူ့ကို Install လုပ်ပြီးတဲ့ နောက်မှာ ကွန်ပျူတာထဲမှာ Virtual Printer အနေနဲ့ နေရာ ၀င်ယူပြီး ကို ပြောင်းချင်သမျှသော ဖိုင်တွေကို Printer နဲ့ Print Out ထုတ်သလိုပဲ Print ထုတ်နိုင်ပါတယ်။ လိုအပ်သူများ လွယ်လင့်တကူ ဒီနေရာမှာ Download လုပ်နိုင်ပါတယ်ဗျာ။

Pocket PC Themes Collection

စုဆောင်းထားတဲ့ Pocket PC Themes လေးတွေ တင်လိုက်ခြင်း ဖြစ်ပါတယ်။ တုတ်ထောက်ကြသူများ (၀ါ) Pocket PC User များအတွက် တစ်ဖက်တစ်လမ်းက အသုံးဝင်မယ်လို့ ယူဆပါတယ်ဗျာ။

ဒီ Link လေးတွေကို Right Click ခေါက် Save As ချပြီး Download လုပ်ယူနိုင်ပါကြောင်း။

Above The CloudAtlanta LightAutumn LeavesAutumn Scene Autumn Blue Morning Boston Sunrise Breakthrough Bridge Canyon Lake Cloudy Lake Dark Cloud Dock Early Winter Falling Water Creek Flowers Everywhere Forest Sky Frost Glacier Canyon Green Bridge Green Lake Hancock Center Ice Indian Creek Lake House Lake Mapourika Late Night Bridge Lazy Days Light House Lonely Flower Mill Moonset Mountain & Lake Nature New Day NewZealand Lake Paris Tower Peaceful Lake Peaceful Travel Purple Flowers Purple Mountain Rockface Shining Farm Shiny Sky Snowy Cabin Splash Of Gold Sun Shine Switzerland The Blue Lake The Cool Forest Town Venice Beach Violet Volcano Wild Mountain Succulent Wood Yellow Flowers Yellow Trees Zion

New Friend Finder For Burmese

အယင် တစ်ခါ ဒီမှာ မိတ်ဆက်ပေးခဲ့ ဖူးတဲ့ ShweRooms.com ကတော့ အခု တော်တော်လေး စည်စည်ပင်ပင် ဖြစ်နေတာကို တွေ့ရပါတယ်။ အခုတဖန် ထပ်မံပြီးတော့ ShweRooms အဖွဲ့သားများရဲ့ ထပ်မံကြိုးစားမှုတစ်ခုလို့ ထင်ပါတယ်။ Shwelove.com ဆိုတဲ့ စာမျက်နှာလေး ထပ်မံ လွှင့်တင်ထားတာ တွေ့ရှိရပါတယ်။ Online ပေါ်မှ ရွှေမြန်မာများ ရေစက်ဆုံနိုင်စေရေး စာမျက်နှာ အသစ်လေးကို နောက်မကျခင်လေး အပြေး သွားရောက် ကြည့်ရှု နိုင်စေရေး လက်တို့ လိုက်ရပါတယ်ဗျာ။

Moving to Next Step..

လကုန်ရင် အလုပ်ပြောင်းတော့မဲ့ အကြောင်း အယင်တစ်လက သူဌေးကို ပြောဖြစ်တယ်။ နှုတ်ထွက်စာ တင်တဲ့နေ့မှာပဲ သူဌေးက ခေါ်တွေ့တယ်။ ဘာအခက်အခဲ ရှိလို့လည်း။ ဘာအဆင်မပြေတာ ရှိလို့လည်း။ ပြေပြေလည်လည်ပဲ ပြန်ပြောပြ ဖြစ်ပါတယ်။ အဆင်မပြေတာ မရှိပါဘူး။ ဒီကုမ္ပဏီမှာ နေခဲ့ရတဲ့ အချိန်တွေ အတွင်း အစစ အရာရာ အဆင်ပြေပါတယ်။ ပြောင်းရခြင်းက ကျွန်တော် လုပ်ချင်တဲ့ လုပ်ငန်းပုံစံမျိုး ဖြစ်တာ တစ်ကြောင်းရယ်။ လခပိုကောင်းတာ တစ်ကြောင်းရယ်ကြောင့်ပါပေါ့။ ဘယ်လောက်တောင် ပိုပေးလို့လည်း မေးပါတယ်။ လက်ရှိလစာကို ၃၀ % ထပ်ပေါင်းထည့်ပေးတဲ့ ပမာဏပေးတယ်ပေါ့။ နောက်တစ်ချက် ထပ်မေးတယ်။ ဘယ်လို လုပ်ငန်းခွင်ကို ပြောင်းမှာလည်း။ သူက ထပ်ပြောပါတယ်။ ရှင်းရှင်း ပြောရရင်တော့ ဘယ်ကုမ္ပဏီကို ပြောင်းတာလဲ သိချင်တာတဲ့။ ဒီလို မေးရခြင်းရဲ့ အကြောင်းရင်းက အလုပ်ခန့်လွှာမှာ လက်မှတ်ထိုးစဉ်က သဘောတူညီချက်မှာ ရေးထားတာရှိတယ်။ ဒီကုမ္ပဏီကနေ အလုပ်ထွက်သွားပြီး အချိန် တစ်နှစ်အတွင်း ဒီကုမ္ပဏီနဲ့ လုပ်ငန်းတူ အခြားကုမ္ပဏီတစ်ခုသို့ ၀င်ရောက် လုပ်ကိုင်ခွင့် မရှိဘူးဆိုတဲ့ အချက်ပါဝင်တယ်။ မောင်လူအေးရှေ့က အလုပ်ပြောင်းသွားတဲ့ အခြားလူမျိုး ၀န်ထမ်းတစ်ဦးက လုပ်ငန်းတူ တွဲလုပ်နေတဲ့ မိတ်ဆွေကုမ္ပဏီ တစ်ခုကို ပြောင်းသွားတာမျိုး အဖြစ်မျိုး ရှိထားခဲ့ဖူးလေတော့ သူဌေးက မေးတာပါ။ ဆိုတော့ သူ့ကို ပြောပြရတယ်။ လက်ရှိ လုပ်နေတဲ့ လုပ်ငန်းတူကုမ္ပဏီကို မဟုတ်ပါဘူး။ ဆိုတော့ သူကလည်း သူ့ကုမ္ပဏီမှာ ဆက်လက် တာဝန်ထမ်းဆောင်ဖို့ ကျန်ရှိတဲ့ အချိန်အတွင်းမှာ လုပ်ဆောင်၊ စေချင်တာတွေ မှာကြားပေါ့။

တကယ်တမ်း အလုပ်ပြောင်းရွှေ့ခြင်း လုပ်ငန်းစဉ်က ဒီမျှပါပဲ။ သို့ပေမဲ့ ဒီလုပ်ငန်းစဉ်ကို တကယ်လုပ်ဆောင်ဖို့ အတွက် ရှေ့ကကြိုတင် ပြင်ဆင်ရတဲ့ အဆင့်တွေက တော်တော်များပါတယ်။ တစ်အချက် ဒီအလုပ်ကနေ ပြောင်းတော့မယ်လို့ စတင် ရည်ရွယ်တာနဲ့ မိမိရဲ့ ကိုယ်ရေးရာဇ၀င်ကို စတင် ပြင်ဆင်ရပါတယ်။ မိမိကိုယ်ကို ချရောင်းတဲ့ ကြော်ငြာစာရွက်လို့ ပြောရင်လည်း ရတဲ့ ကိုယ်ရေးရာဇ၀င် စာမျက်နှာကို ၀ယ်ယူသူ (တနည်း) အလုပ်ခေါ်တဲ့ အလုပ်ရှင် ဖတ်လိုက်တာနဲ့ အလုပ်ခန့်ချင်အောင် ရေးသားဖို့လိုပါတယ်။ ဘယ်လိုရေးရတယ်၊ ဘယ်လို ရေးရင် ပိုအဆင်ပြေတယ် ဆိုတာကို ထွေထွေထူးထူးပြောနေစရာ မလိုပါဘူး။ ဘာပဲလိုလို Google ထဲမှာပဲ Resume Sample ဆိုပြီးသာ ရိုက်ပြီးရှာလိုက်၊ မဖတ်ချင်မှ အဆုံး များပြားလှတဲ့Resume Sample တွေ မှီငြမ်းကိုးကားစရာတွေ ချည်းပါပဲ။ ဒါက မဖြစ်မနေ လုပ်ရမဲ့ နံပတ် (၁) အချက်ပါ။

ဒုတိယအဆင့် အနေနဲ့ လုပ်ရမှာက အလုပ်ရာထူးနေရာ ရှာဖွေရမှာပါပဲ။ လောလောဆယ် မောင်လူအေး နေထိုင်နေတဲ့ ပတ်ဝန်းကျင်နဲ့ ယှဉ်ပြောရရင် ၂ နည်းပဲ ရှိပါတယ်။ သတင်းစာပေါ်ကနေ ရှာရင်ရှာ၊ မရှာချင်ရင် အင်တာနက် ပေါ်ကနေရှာ။ သတင်းစာပေါ်ကနေ ရှာတဲ့နည်းက မြင်သာထင်သာရှိတယ်၊ မျက်စိနဲ့ တန်းခနဲ တွေ့ရတယ်၊ ဆက်သွယ်ရန် လိပ်စာ၊ ဖုန်းနံပတ်၊ အီးမေးလ်နဲ့ ဖက်စ်နံပတ်တွေ တိုက်ရိုက် အလွယ်တကူ မြင်လွယ်တဲ့အတွက် ပိုမြန်တယ် ထင်နိုင်ပါတယ်။ သို့ပေမဲ့ မောင်လူအေး အနေနဲ့ဆိုရင်တော့ ဗုဒ္ဓဟူးတစ်ရက်၊ စနေတစ်ရက် နှစ်ရက် တစ်ရက် ပြား ၈၀ အကုန်ခံပြီး ၀ယ်ရမှာကို ပိုက်ဆံ နှမြောတာက တစ်ကြောင်း၊ သတင်းစာက မနက်စောစော ၀ယ်ရင်ဝယ်၊ မ၀ယ်လို့ကတော့ ညနေဖက် အလုပ်ပြန်တဲ့ အချိန်ဆို ဆိုင်တွေမှာ သတင်းစာ မရှိတော့တာက တစ်ကြောင်းကြောင့် မ၀ယ်ဖြစ်ပါဘူး။ နောက်တစ်နည်း ဖြစ်တဲ့ အင်တာနက်ပေါ်က ရှာတဲ့နည်း။ သူလည်း အလုပ်ခေါ်တဲ့ ဆိုက်တွေ မှတ်ထားရမယ်။ ကိုယ့် အလုပ်အကိုင်နဲ့ ထပ်တူညီတဲ့ အလုပ်တွေ ရှာရဦးမယ်။ အင်မတန်မှ ပျင်းစရာကောင်းပါတယ်။ ချက်တင်ပြောရတာ၊ ရုပ်ရှင်ကြည့်ရတာလောက် စိတ်ဝင်စားစရာ မကောင်းဘူး ဆိုရင် ပိုမှန်မယ်ထင်ပါတယ်။ ဆိုတော့ အဲဒီလိုလည်း မရှာချင်ဘူး။ အိုကေ နောက်ဆုံး အလွယ်ဆုံး တစ်နည်း ရှိပါတယ်။ အလုပ်ခေါ်တဲ့ ကြော်ငြာတွေ တင်တဲ့ ၀ဗ်ဆိုက်တွေမှာ Job Alert Email က Subscribe လုပ်ထားလိုက်ပါ။ တစ်နေ့တစ်နေ့ မမြင်ချင်မှ အဆုံး Email Alert တွေ ပို့ပေးပါလိမ့်မယ်။ မောင်လူအေးဆိုရင် JobsDB, JobStreet, JobCentral, JenJob, ExpactJobs, နဲ့ BestJobsSingapore ဆိုက်တွေမှာ Subscribe လုပ်ထားလိုက်တာ တစ်နေ့တစ်နေ့ အီးမေးလ်စစ်လိုက်တာနဲ့ သူတို့ ပို့ထားနှင့်တဲ့ အလုပ်ကြော်ငြာတွေ တပုံတခေါင်းတွေ့ရတတ်ပါတယ်။ အဲဒီထဲက ကိုယ်နဲ့ အဆင်ပြေတဲ့ အလုပ်လေး ကလစ်တစ်ချက် နှိပ်ပြီး သွားကြည့်ရုံပါပဲ။

ကိုယ်နဲ့ ကိုက်ညီတဲ့ အလုပ်တော့ တွေ့ပါပြီ။ ဘယ်လို လျှောက်မလဲ။ များပြားလှစွာသော အလုပ်ကြော်ငြာတဲ့ ဆိုက်တွေမှာ အလုပ်ကြော်ငြာ စာမျက်နှာမှာ တစ်ပါတည်း ကလစ်နှိပ်လျှောက်ထားလို့ ရအောင် စီစဉ် ပေးထားပါတယ်။ Quick Apply ဆိုတဲ့ ခလုပ်လေးတွေ ထည့်ထည့်ပေးထားတတ်ပါတယ်။ အဲဒီခလုပ်လေးကို တစ်ချက်နှိပ်ပြီး လျှောက်ရုံပါပဲ။ တကယ်တမ်း အဲဒီလို လျှောက်တဲ့အခါ အလုပ်ပြန်ခေါ်တဲ့ နှုံးနည်းတာ တွေ့ရပါတယ်။ အဲဒီ Quick Apply နဲ့ လျှောက်တဲ့ အလုပ်လျှောက်လွှာတွေ အလုပ်ရှင်ဆီကို ကြော်ငြာ ၀ဗ်ဆိုက်ကနေ ပို့ပေးပါတယ်။ အကယ်၍ ခန့်ထားခဲ့တယ်ဆိုရင် အလုပ်ခေါ်တဲ့ ကုမ္ပဏီက ကြော်ငြာဝဗ်ဆိုက်ကို ၀န်ဆောင်ခပေးရပါတယ်။ ဒါက ရန်ကုန်က TTS တို့၊ DEVICE တို့၊ ES တို့နဲ့ လုပ်ငန်း သဘောချင်းတူတူပါပဲ။ ဆိုတော့ ကိုယ်တိုင်လာရောက် လျှောက်ထားတဲ့ လျှောက်လွှာနဲ့ ကြော်ငြာဝဗ်ဆိုက်ကနေ လာတဲ့ လျှောက်လွှာဆိုရင် ကိုယ်တိုင်တင်တဲ့ လျှောက်လွှာကို အလုပ်ရှင်တွေ ပိုစိတ်ဝင်စားတဲ့ သဘောရှိပါတယ်။ ဆိုတော့ မောင်လူအေးက ပေးထားတဲ့ အီးမေးလ်လိပ်စာလေးကို ကူးပါတယ်။ ကိုယ်ပိုင် ဂျီမေးလ်ထဲမှာ ကော်ပီပွားပါတယ်။ ပြီးနောက် သက်ဆိုင်ရာ ကိုယ်ရေးအချက်အလက် ဖိုင်ကို Attach လုပ်ပြီး ပို့လိုက်ရုံပါပဲ။

မောင်လူအေးလျှောက်စဉ်တုံးကတော့ အလုပ်ကြော်ငြာဆိုက်တွေကနေ ပို့တဲ့ ကြော်ငြာတွေထဲက ကိုယ်နဲ့ ကိုက်ညီမှု အရှိဆုံး အလုပ်အကိုင် ငါးခုလောက်ပဲ သေချာ လျှောက်ပါတယ်။ အလုပ်ချိန်ပြင်ပ ကိုယ်ပိုင်အချိန်ထဲမှာ လျှောက်တာ ဖြစ်တဲ့အတွက် စိတ်လိုလက်ရ စိတ်ကြိုက်ဖြစ်တဲ့အထိ မွမ်းမံပြင်ဆင်မှုတွေ လုပ်လို့ရပါတယ်။ တစ်နေ့ကို အီးမေးလ်လေး ၅ စောင်တည်း ပို့တာဖြစ်တဲ့အတွက်လည်း ဘာမှ အပန်းတကြီးလုပ်နေစရာ မလိုအပ်ပါဘူး။ ပုံမှန် အင်တာနက် သုံးတဲ့ အချိန်ထဲက ၁၅ မိနစ်လောက် သုံးလိုက်ရင်ကို ကိုယ်လျှောက်ချင်တဲ့ အလုပ်ငါးခု လျှောက်ထားပြီးပါတယ်။ ရံဖန်ရံခါမှာ ကြုံရတတ်တာက အလုပ်ကြော်ငြာ ဆိုက်တွေမှာ ခန့်ထားမဲ့ ရာထူးသာ ပါဝင်ပြီး၊ လျှောက်ထားရမဲ့ ကုမ္ပဏီရဲ့ အီးမေးလ်လိပ်စာ မပါတာမျိုး ကြုံရတတ်ပါတယ်။ အဲလို အခြေအနေမျိုးမှာ အကယ်၍သာ ခေါ်ယူတဲ့ ရာထူးရဲ့ လိုအပ်တဲ့ ကျွမ်းကျင်မှုနဲ့ ကိုယ့်မှာ ရှိနေတဲ့ ကျွမ်းကျင်မှုနဲ့ ကွက်တိကျနေတဲ့ အခါမျိုးမှာ အီးမေးလ်လိပ်စာ မပါဝင်တဲ့ အတွက် အခွင့်အလမ်း ဆုံးရှုံးရတာမျိုး မဖြစ်ရအောင် နည်းလေး နှစ်ခုရှိပါတယ်။ တစ်နည်းက အလုပ်ခေါ်စာ စာမျက်နှာမှာ ကုမ္ပဏီနာမည် ပါဝင်ခဲ့မယ်ဆိုရင် ကုမ္ပဏီနာမည်ကို ကော်ပီလုပ်လိုက်ပါ။ အဲဒီနောက် နောက်စာမျက်နှာ တစ်ခုဖွင့်ပြီး Google ထဲမှာ ရိုက်ပြီး ရှာကြည့်ပေးပါ။ စင်္ကာပူ ကုမ္ပဏီအတော်များများမှာ ကိုယ်ပိုင် ၀ဗ်ဆိုက်တွေ ရှိနေတတ်ပြီး၊ Google ထဲမှာ အလွယ်တကူပဲ ရှာဖွေတွေ့ရှိနိုင်ပါတယ်။ အချို့သော ကုမ္ပဏီတွေကတော့ ၀ဗ်ဆိုက်လိပ်စာ ရှိမနေတာမျိုး ကြုံရတတ်ပေမဲ့ အနည်းဆုံး ကုမ္ပဏီများ ကြော်ငြာလေ့ ရှိတဲ့ GreenBook လိုမျိုး ကြော်ငြာ စာမျက်နှာမှာ လိပ်စာ ရှိနေတတ်ပါတယ်။ အကယ်၍များ ကံကောင်းခဲ့မယ်ဆိုရင် ဆက်သွယ်ရန် အီးမေးလ်လိပ်စာ အပြင်၊ ဆက်သွယ်ရန် ပုဂ္ဂိုလ်ရဲ့ အမည်ပါ ပါဝင်နေတတ်တာကြောင့် ကော်ပီကူးပြီး လျှောက်ထားရုံပါပဲ။

အလုပ်လျှောက်တဲ့ လုပ်ငန်းစဉ် ပြီးဆုံးပြီဆိုပါတော့။ မိမိ လျှောက်ထားတဲ့ အလုပ်အကိုင်နဲ့ မိမိရဲ့ သက်ဆိုင်ရာ လုပ်ငန်း ကျွမ်းကျင်မှုအရ အချိန်တစ်ခုအတွင်းမှာ ကုမ္ပဏီတစ်ခုခုကနေ ပြန်လည် ဆက်သွယ်လာပါလိမ့်မယ်။ ဆက်သွယ်လာတဲ့ အချိန်နဲ့ မိမိအားလပ်မဲ့ အချိန်တစ်ခုခု ချိန်ဆပြီး အင်တာဗျူး အချိန်ကို သတ်မှတ်လိုက်ပါ။ အဲဒီနောက်တော့ အင်တာဗျူးသွားဖြေ ပေါ့ဗျာ။ အဲဒီ အင်တာဗျူးမှာ အများဆုံး မေးတတ်တာတော့ ကိုယ်က ပိုတောင်းထားတဲ့ လစာကို ဘာအတွက် မင်းကို ပိုပေးရမလဲ ဆိုတဲ့ မေးခွန်းပါပဲဗျာ။ အဲဒီမေးခွန်းကို အသေအချာ ပီပီပြင်ပြင်ဖြေနိုင်မယ်ဆိုရင်တော့ အလုပ်အကိုင်ရဖို့ အများစု သေချာပြီပေါ့ဗျာ။

အလုပ်အင်တာဗျူးပြီးတဲ့နောက် ခန့်ထားမဲ့ ကုမ္ပဏီနဲ့ ကိုယ်နဲ့ ခန့်အပ်မယ်ဖြစ်ကြောင်း သဘောတူညီချက် ရပြီးပြီဆိုရင်တော့ နောက်ထပ်လုပ်စရာရှိတာ Work Pass လျှောက်ထားရေးပါ။ စင်္ကာပူနိုင်ငံမှာ အလုပ် လာလုပ်နေကြတဲ့ မြန်မာများထဲမှာ အတွေးအခေါ် လွဲနေတာ တစ်ခု ဒီနေရာမှာ ရှိနေပါတယ်။ လက်ရှိ S-pass ဖြစ်စေ၊ EP ပဲ ဖြစ်စေ ကိုင်ဆောင်ထားသူ တစ်ဦးဟာ နောက် S-pass တစ်ခု လျှောက်ထားလို့ ရမရ ဆိုတဲ့ ကိစ္စ၊ MOM ရဲ့ Statement တွေအရ လက်ရှိ Work Pass တစ်ခုခု ကိုင်ဆောင်ထားသူ တစ်ဦးဟာ နောက်ထပ် Work Pass တစ်ခုကို လက်ရှိ အလုပ်အကိုင် လုပ်ကိုင်နေဆဲ ကာလမှာပဲ လျှောက်ထားနိုင်ပါတယ်။ လျှောက်ထားတဲ့ လျှောက်လွှာကို ကိုင်တွယ် သုံးသပ် ချထားပေးဖို့ စုစုပေါင်း ကြာမြင့်ချိန်ဟာ အများဆုံး ရက်သတ္တ တစ်ပတ်သာ ဖြစ်ပြီး၊ ရံဖန်ရံခါမှာ မနက်ခင်းက လျှောက်လွှာတင်တာ ညနေမှာ Approved ဖြစ်တဲ့ အထိ မြန်ဆန် တတ်ပါတယ်။ Approved ဖြစ်သွားပြီဆိုရင် ခန့်အပ်တဲ့ ကုမ္ပဏီကနေ IPA လို့ခေါ်တဲ့ In-Principle Approved Letter တောင်းဖို့ လိုပါတယ်။ Approved Letter လက်ထဲရောက်ပြီးတဲ့ နောက်မှာတော့ လက်ရှိလုပ်နေတဲ့ ကုမ္ပဏီကို အလုပ်ခန့်လွှာမှာ ပါတဲ့ သဘောတူညီချက် အတိုင်း တစ်လဖြစ်စေ၊ တစ်ပတ်ဖြစ်စေ ကြိုတင်ပြီး အလုပ်ကနေ ထွက်တော့မှာ ဖြစ်ကြောင်း အသိပေးပြောကြားရပါမယ်။ လက်ရှိ ကုမ္ပဏီကနေ နှုတ်ထွက်လွှာ (Resignation Approved Letter) ကို ယူပြီး Ministry Of Manpower မှာ သွားရောက်ပြီး ယခင် Pass ကို ပြန်အပ်၊ နောက်ထပ် Pass အသစ်ရဲ့ Approved Letter ကို ပေးအပ်တဲ့အခါမှာ MOM မိမိရဲ့ Passport မှာ အဲဒီ Pass လွှဲပြောင်းတဲ့ နေ့နဲ့ တံဆိပ်တုံးတစ်ခု ထုပေးပါလိမ့်မယ်။ Pass အသစ် ပြောင်းခြင်းဟာ ယခင် Pass လျှောက်ထားစဉ်က အချိန်ကနေ သက်တမ်း ၂ နှစ် အတွင်းမှာပဲ ရှိနေသေးတယ်ဆိုရင် ဆေးစစ်ချက် ကင်းလွတ်ခွင့်ရရှိပြီး ဆေးထပ်စစ်ဖို့ မလိုတော့ပါဘူး။ MOM မှာ Pass Card ပြား တန်ဖိုး ပေးသွင်းပြီးတဲ့ နောက်မှာတော့ ၃ ရက်ကနေ တစ်ပတ် အတွင်း Tanjong Pager မှာ ရှိတဲ့ Workpass Division မှာ ကဒ်ပြား အသစ် သွားရောက်ထုတ်ယူနိုင်ပြီ ဖြစ်ပါတယ်။

ဒီတော့ကာ လက်ရှိ စင်္ကာပူမှာ အလုပ်လုပ်နေကြသူများ အနေနဲ့ အလုပ်အကိုင် အသစ်ပြောင်းရွှေ့မှုအတွက် မလိုလားအပ်တဲ့ သို့လော သို့လော အတွေးတွေနဲ့ ပြောင်းရမလို၊ မပြောင်းရမလို ဖြစ်တာမျိုး၊ မိမိမှာ ဒီထက် ပိုမိုတဲ့ ခံစားခွင့်တွေ ရနိုင်တဲ့ အခွင့်အလမ်းတွေ ရှိနေရက်နဲ့ ဘာဖြစ်မယ်မှန်း မသိဘဲ စိုးရိမ်ကြောင့်ကြတွေ ကနေ ကင်းလွတ်ပြီး အလုပ်သစ်ကို စိတ်သစ်လူသစ်နဲ့ ပြောင်းရွှေ့ဖို့အရေးဟာ နှောင့်နှေးကြံ့ကြာနေရတာမျိုး ဖြစ်နေစရာ မလိုအပ်တော့ပါဘူး။

သို့ကလို၊ သို့ကလို အားထုတ်ကြိုးပမ်းပြီး သကာလ ၂၀၀၈ ခုနှစ် စက်တင်ဘာလ တစ်ရက်နေ့မှာတော့ မောင်လူအေး တစ်ယောက် စိတ်သစ်၊ လူသစ်နဲ့ ပတ်ဝန်းကျင် အသစ်မှာ စိန်ခေါ်မှု အသစ်တွေကို ရင်ဆိုင်ဖို့ အားမွေးရင်း … ညီအစ်ကို မောင်နှမတွေလည်း ကြိုးစားနိုင်စေဖို့ ဝေမျှလိုက်ရပါကြောင်း။

Jokes

ပါဠိကို သေချာမဖတ်တော့….

စာသင်ခန်း တစ်ခု၌ ဆရာမက တပည့်များအား ပါဠိဘာသာစကား ဘာသာရပ် သင်ကြား ပို့ချလျက် ရှိ၏။

"ပါဠိ ဘာသာ စကားမှာ အသုံးများတဲ့ စကားလုံး နှစ်လုံးဖြစ်တယ်။ တစ်လုံးက "တွံ" ဖြစ်ပြီး နောက်တစ်လုံးက "မေ" ဆိုတာ ဖြစ်တယ်။ "တွံ" ဆိုတာ အင်္ဂလိပ်လို ပြောမယ်ဆိုရင် You ဖြစ်ပြီးတော့ "သင်" လို့ အဓိပ္ပာယ်ရတယ်။ "မေ" ဆိုတဲ့ စကားလုံးကတော့ အင်္ဂလိပ်လို ဆိုရင်Me ဖြစ်ပြီး "ငါ့အား" လို့ အဓိပ္ပာယ်ရတယ်။ ဘုရား ရှိခိုးတွေမှာ အများဆုံး တွဲပြီး ပါဝင်တတ်ပြီး မြန်မာလို အဓိပ္ပာယ် အလွယ် ကောက်လို့ ရအောင် "တွံ သင်သည်… မေ ငါ့အား…." ဆိုပြီး ဆက်တိုက် ဘာသာ ပြန်တတ်ကြတယ်။ "

ထိုစဉ် အခန်းနောက်နားမှ ကျောင်းသား ၂ ဦး စာသင်ရာတွင် စိတ်မ၀င်စားဘဲ တိုးတိုး တိုးတိုးနှင့် စကား ပြောနေသည်ကို ဆရာမ တွေ့သွားသဖြင့် လှမ်းမေးလိုက်သည်။

"ကဲ နောက်က ကျောင်းသား ၂ ယောက် မတ်တပ်ရပ်ပါ။ ဆရာမ ခုနက ဘာပြောသွားလည်း ပြန်ပြောပြပါ။ "

ဆရာမ၏ အမေးအား ဖြေလိုက်သော ကျောင်းသား၏ အဖြေကြောင့် တခန်းလုံး သောကနဲ ရယ်ကြ၍ ဆရာမလည်း လွန်စွာမှ ဒေါသ ထွက်သွားသော ဟူ၏။ ထို ကျောင်းသား၏ အဖြေစကားမှာ

"သင် တွံ သည်၊ မေ ငါ့အား… လို့ ပြောပါတယ် ဆရာမ" ဟူ၏။


လူမှုရေး နားမလည်လို့ပါ

တက္ကသိုလ် စာသင်ခန်း တစ်ခုတွင် ဖြစ်၏။ အခန်းပြင်ပမှ ဧည့်သည်တစ်ဦး လာရောက် တွေ့ဆုံရာ သက်ဆိုင်ရာ ကျောင်းသူ ထွက်ကာ တွေ့ဆုံ၏။ ထွက်ရာတွင် အလျင်စလို အပြေးအလွှား ထွက်ရာ ရေစိုနေသော ကော်ရစ်ဒါ အရောက် စီးထားသော ဖိနပ်ချော်ကာ ကြမ်းပြင်တွင် ဗိုင်းကနဲ ဖင်ထိုင်လျက် ကျ၏။ အမှတ်မထင် အဖြစ်အပျက်ကြောင့် အခန်းတွင်း စာသင်နေသော ကျောင်းသားများလည်း မတိုင်ပင်ပါဘဲ ၀ါးကနဲ ရယ်မိကြ၏။ သို့ရာတွင် ရှက်သွားသော ကျောင်းသူကို လှမ်းကြည့်ပြီး ဆရာမမှ အခန်းတွင်းရှိ ကျောင်းသားများကို လှမ်းဟန့်၏။

"ဟဲ့ ကျောင်းသားတွေ မင်းတို့တွေ သူတပါး ဒုက္ခရောက်တာ ကူမယ်မကြံဘူး ထရယ်ကြတယ်။ မင်းတို့တွေ လူမှုရေး နားမလည်ကြဘူးလားကွ"

ထိုစဉ် နောက်ခုံတန်းတွင် ထိုင်သော ကျောင်းသား တစ်ယောက်မှ ခပ်တိုးတိုး ပြောလိုက်သော စကားကြောင့် ဆူမည် ကြံသော ဆရာမပင် ဆက်ဆူရန် မေ့ပြီး ပြုံးသွားရသော ဟူ၏။

"ဆရာမကလည်း ဒီလူမှုရေး နားမလည်တာပဲ လာပြောနေတယ်။ နားမလည်လို့ အမှတ် ၄၀ အတိနဲ့ အောင်လို့ ရိုးရိုး တက္ကသိုလ် ရောက်တာပေါ့။ လူမှုရေးသာ အမှတ်များရင် အင်ဂျင်နီယာ၊ ဆရာဝန် တက္ကသိုလ်တွေ ရောက်မှာပေါ့။"

Regarding to WIKIMYANMAR

မြန်မာ ၀ီကီကို အယင် www.my.wikipedia.org မှာ စထိတွေ့ခဲ့ပေမဲ့လို့ သိပ်ပြီး အကျွမ်းတ၀င် စိတ်ဝင်တစား မရှိခဲ့ပါဘူး။ မရှိရခြင်းကလည်း သူ့ဖောင့်တွေက ကျွန်တော် ဖတ်လိုက်တိုင်း တလွဲတွေ ချည်းပဲ ပေါ်ပေါ် နေတာကနေ စတာပါ။ ခုထိလည်း ဘာဖြစ်မှန်း မသိပါဘူး။ အယင် ၀ီကီက ခုထိ ကျွန်တော် ဖွင့်ကြည့်သမျှသော စက်တွေမှာ ထိုနည်း လည်းကောင်း ဖောင့် အမှားတွေ ပြနေဆဲပါ။

နောက်တော့ ကိုဘလူးဖီးနစ် ဘလော့၊ ကိုသင်ကာ ဘလော့တွေမှာ သွားရောက်လည်ပတ်ရာကနေ မြန်မာဝီကီကို စတွေ့ခဲ့တယ်။ စတွေ့တွေ့ချင်းမှာ အကြောင်းအရာ အားဖြင့် ၂၀၀ ကျော်လောက် စတင် ရေးသားထားနှင့်ပြီး ဖြစ်နေတာ တွေ့ရပါတယ်။ အဲဒီတော့ ကိုယ်ကလည်း အကောင့် လေးလုပ်၊ ၀င်ရေးဖြစ်တယ်။

ကျွန်တော် ၀ီကီမှာ ပါဝင်ရေးသား ဖြစ်တဲ့ ရည်ရွယ်ချက်ကတော့ ရှင်းပါတယ်။ ကျွန်တော်က ငယ်ငယ် ကတည်းက ဗဟုသုတ အင်မတန် ငတ်မွတ်တဲ့သူပါ။ ကိုသိချင်တဲ့ အကြောင်းအရာတွေကို စာအုပ်တွေထဲ ရှာဖတ်၊ ရှေ့က လူကြီးသူမတွေကို မေးတန်တာမေး၊ ကျွန်တော်မေးသမျှကိုလည်း ကျွန်တော်မေးတဲ့ သူတိုင်းက ပြောပြကြပါတယ်။ ၂၀၀၅ နောက်ပိုင်းမှာ အင်တာနက်ကို ထိတွေ့ပြီး နောက်မှာတော့ Google သည် ကျွန်တော့်ရဲ့ အဓိက အရူး လွယ်အိတ်ကြီးပေါ့။ အရုးလွယ်အိတ်ဆိုတာ လိုချင်တာ အကုန်ရှာလို့ရတဲ့ နေရာတစ်ခုပေါ့။

ဆိုတော့ အဲဒီ အင်တာနက် ဆိုတာကြီးကနေ တဆင့် ၀ီကီပီးဒီးယား ဆိုတာတွေလည်း ၀င်ဖြစ်တယ်၊ ဖတ်ဖြစ်တယ်ပေါ့ဗျာ။ ကျွန်တော် သိချင်တာ မှန်သမျှ ရှာတွေ့နေနိုင်အောင် ရေးထားခဲ့လိုက်ကြတာ စုစည်းခဲ့လိုက်ကြတာ နည်းနည်းနောနော လူတွေ မဟုတ်ပါဘူး။ သေချာတာက အဲဒီရေးတဲ့ သူတွေ ထဲမှာ ဘာသာရပ် တစ်ခုခုကို အကုန်အစင် တတ်တဲ့သူ ပါချင်မှ ပါမယ်။ အကုန်အစင်တတ်မှ ရေးရမယ်လို့ မဆိုလိုပါဘူး။ ကိုယ် သိတာ နည်းရင် နည်းမယ်၊ အချက်ကလေး တစ်ချက်တည်းပဲ ဖြစ်ရင်လည်း ဖြစ်နေမယ်။ သို့ပေမဲ့ ကိုယ်သိတဲ့ အချက်အလက်ကလေး ဖြည့်လိုက်ခြင်းအားဖြင့် ပိုပြီး ပြည့်စုံသွားမယ် ဆိုရင် လေ့လာရတဲ့သူတွေ အတွက် အင်မတန်မှ အကျိုးများပါမယ်။

ခုနေအခါမှာ အင်္ဂလိပ် ၀ီကီပီးဒီးယားဆိုရင် အချက်အလက်ပေါင်း ၂ သန်းခွဲ ကျော်ရှိနေပါပြီ။ သူတို့လည်း အကြောင်းအရာ တစ်ခု၊ နှစ်ခု သုံးလေးခုကနေ စတင်ခဲ့ရတာပါ။ ကျွန်တော့် ကိုယ်တွေ့၊ လက်ခံကျင့်သုံးနေတဲ့ အယူအဆလေးတစ်ခု ရှိတယ်ဗျာ။ လောကမှာ အလုံးစုံ သိတဲ့သူဆိုတာ မရှိဘူး။ တစ်ယောက်ချင်း နည်းနည်းစီ သိထားကြတဲ့ အသိတွေ ဆုံဆည်း စုစည်းဖို့ ဆိုတာ လွယ်တဲ့ ကိစ္စ တစ်ခုမဟုတ်ပါဘူး။ သိချင်တဲ့သူနဲ့ သိတဲ့သူနဲ့ တွေ့ဦးမှ၊ တွေ့သည့်တိုင်အောင် အခြေအနေ အကြောင်းခြင်းရာ အများကြီးတိုက်ဆိုင်မှ သိတဲ့သူဆီက သိလိုတဲ့သူဆီကို အဲဒီ သတင်းအချက်အလက် ရောက်ရှိနိုင်ပါတယ်။ အခု ၀ီကီပီးဒီယားဟာ အဲဒီ တိုက်ဆိုင်ဖို့ မလွယ်ကူတဲ့ အကြောင်းခြင်းရာ အားလုံးအတွက် ပေါင်းကူး တံတားလေး တစ်စင်းဆိုလည်း မမှားနိုင်ပါဘူး။ သင်သိထားတဲ့ အကြောင်းအရာလေး တစ်ခုကို သိလိုတဲ့သူတွေ ကို ပေးသိလိုက်ပါ။ သင် နောက်ထပ် သိလိုတဲ့ အကြောင်းအရာလေးတွေ ရှိလာတဲ့ခါမှာလည်း သင့်ကို အဲဒီ အချက်အလက်တွေ သိရအောင် ကူညီပေးမဲ့ သူ ရှိလာပါလိမ့်မယ်။

ဆိုတော့ သင်ဘာပဲ သိသိ၊ ဘယ်လောက်လေးပဲ သိသိ သင်သိထား တတ်ထားတဲ့ ပညာရပ်လေးတွေကို သိလိုသူတွေ အထူးသဖြင့် နောက်မျိုးဆက်တွေ အတွက် မိမိသိတာလေးတွေ ၀င်ရောက် ဖြည့်စွက် ရေးသားရင်း မြန်မာဝီကီကို ကူညီကြပါစို့လား။

**********************************************************************************
ကိုသင်ကာက သူ့ပို့စ်မှာ နာမည်ကြီး တပ်ပြီး ရေးပါတယ်။ ဒီကလူက ဘလော့မှာ ဘာမှ မရေးရသေးခင် ဆရာက လုပ်ချလိုက်တော့ မဖြစ်ချေဘူးဆိုပြီး ရေးချလိုက်ရာက ဒီပို့စ်ဖြစ်လာပါကြောင်း။

ကိုသင်ကာရေ ကျေးဇူးဗျို့...